По завршувањето на европските купови позната е официјалната ранг листа за 2023 година од страна на Европската кајак асоцијација во сениорска и јуниорска категорија.

На истата за среќа на Кајак Кану Клуб Арка-Борец и Македонија, македонските кајакари котираат највисоко.

Официјално, Македонија има шампион и вицешампион на Европа во јуниори, и второ и трето место во сениори.

– Кристијан Лазаров Шампион на Европскиот куп за 2023 година во Јуниори.
– Благој Гугинов вицешампион на Европскиот куп за 2023 година во Јуниори.
– Александар Златаров вицешампион на Европскиот куп за 2023 година во Сениори.
– Љубомир Спасиќ третопласиран на Европскиот куп за 2023 година во Сениори.

Со објавата на Европската кајакарска асоцијација на официјалната ранг листа заврши европскиот куп во кајак спуст на дива вода за 2023 година на кој учество земаа 160 кајакари во сениорска и 130 кајакари во јуниорска категорија.

Европскиот куп се одржувааше на пет различни локации и држави, во Македонија, Словенија, Швајцарија, Италија и Чешка.

Македонија и Велес заслужија да имаат шампиони и во Европа, а претходно е освоен и Балканскиот шампионат во спуст.