Група од неколкумина туристи, Македонци и Срби, со помош на еден Украинец, вечерва извлекле комбе на Итната помош кое било заглавено во песок на плажа во грчкото летувалиште Аспровалта.

На социјалните мрежи за случајот објави турист од Македонија, кој вели дека тие со големи маки, користејќи два џипа, успеале да го извлечат комбето. Тој објави и неколку фотографии од успешната „акција“, кои наидоа на воодушевување во групата „Грчка инфо“ на „Фејсбук“.

Според македонскиот турист, тој не можел да седи со скрстени раце и да не помогне, откако минатата недела истото комбе ја превезувало во болница неговата мајка, која ја скршила ногата за време на летувањето.