Во домот на актерската двојка Мајкл Џеј Фокс (62) и неговата сопруга Трејси Полан (63) деновиве има повод за прослава,  тие штотуку ја одбележаа 35-годишнината од нивниот брак.

На своите профили на Инстаграм се пофалија со убавата вест и со емотивни пораки пишуваа за својата љубов.

„35 години!!! Среќна годишнина, љубов моја. За уште многу славни заеднички авантури. Те сакам повеќе од сѐ!“, напиша Полан покрај фотографијата од двајцата.

Мајкл исто така објави неколку фотографии и на романтичен начин ја искажа почитта кон својата сопруга, која ја запозна далечната 1985 година на снимањето на популарниот ситком „Family Ties“.

„35 години смеење, живеење, те слушам и те сакам Трејси Полан. Ти благодарам за сѐ. Засекогаш твојот Мајк“, напишал тој.

Инаку, двајцата станаа пријатели во 1985 година кога на Полан ѝ беше доделена улогата на Елен, девојката на Алекс Пи Китон, кој го глумешед Фокс во „Family Ties“. И двајцата во тоа време излегуваа со други луѓе. Фокс беше во врска со актерката Ненси МекКион, а Полан беше во врска со Кевин Бејкон.

Две години подоцна таа го напушти ситкомот, но судбината повторно ги спои во драмата „Bright Lights, Big City“ во 1988 година. На 16 јули 1988 година тие се венчаа, по само седум месеци врска. Во нивниот брак, тие имаат четири деца – синот Сем има 34 години, близнаците Аквина и Шујлер имаат 28, а најмладата Есме има 21 година.