Жена која го доела своето бебе среде возење во „Дизни Ворлд“, започна масовна дебата на интернет – откако моментот бил снимен на камерите од паркот, пишува „Дејли меил“.

Мередит Барњак, од Питсбург, Пенсилванија , го посетила најволшебното место на Земјата со нејзиниот сопруг, мајка, очув и две мали деца, Греам (3) и Попи (1) минатата недела.

Семејството уживало во забавниот парк, кога нејзината ќерка ненадејно огладнела додека биле среде возењето на Frozen Ever After.

Приказната стана вирална откако братучетката на Мередит објавила фотографија од контроверзниот момент на Инстаграм. Таа напишала: „Мојата братучеткаа е закон, таа е мајка дури и во текот на возењето во Дизниленд“.

– Штом го видов блицот, реков: „О, не, мислам дека сите овие луѓе ќе имаат слика од мене како го дојам бебето на ова возење – објаснила Мередит за моментот кој бил овековечен во фотографија.

Ниту Мередит, ниту братучетката Џо Годард, не очекувале жестока реакција и дебата по објавувањето.

Додека многумина се согласија дека тоа е забавно, други побрзаа да ја искритикуваат Мередит, поради тоа што го довела доенчето во опасност, и покрај тоа што цело време ги следела прописите на Дизни.

„Не сакам да бидам груб, но ова изгледа опасно“, бил еден од коментарите.

„Дизни“ не го коментираше инцидентот, но го поддржува доењето во јавност и има простроии за пресоблекување на бебиња, нега и доење во своите паркови.