Македонската модна дизајнерка Маја Кикириткова ја почна годината со операција на слепото црево.

Таа ја сподели веста со нејзините следбеници на Инстаграм, каде откри дека вчера ја оперирале, но дека сега е во добра состојба.

„И така, мене годината ми започна со една хируршка интервенција – вадење слепо црево. Некој да ми кажеше дека на мои 38 години ќе ми вадат слепо црево ќе му се изнасмеев, но тоа е што е. Вчера денот таков. Денеска сум добра, сè добро се заврши“, напиша таа на својот инстаграм-профил.

Исто така, модната дизајнерка се заблагодари за убавите пораки кои ги добила.

„Во благодарам за секоја ваша порака, убав збор и позитивна мисла. Јас сум добра, уморна и поспана, но сè заврши добро“, напиша таа, меѓу другото.

Инаку, Маја Кикириткова е име кое постои нешто повеќе од 15 години на македонската модна сцена.

Во последните неколку години, покрај модата, таа се занимава и со инфлуенсер-маркетинг и е една од највлијателните Македонки кога станува збор за поставување модни трендови на социјалните медиуми.

ФОТО | Против oнлајн-насилството: Миа Костова и Александра Шијакоска заштитни лица на новата колекција на Маја Кикириткова