За Денот на вљубените, којшто ќе го прославиме за неколку дена, почестете си го срцето, но и партнерот со еден убав безалкохолен, но магичен напиток – коктел за вљубени срца!

Во него има неколку различни вкусови кои ќе ви го подобрат расположението и либидото, а ќе останете трезни – за да ја покажете вистинската љубов!

Потребно ви е:

• 20 мл свежо цеден сок од калинка
• 20 мл оладен чај од шумско овошје
• 20 мл оладен чај од каранфилче
• три испасирани јагоди
• малечко парче ѓумбир на коцкички
• коцки мраз

Подготовка:

Во шејкер или стаклена тегла ставете ги трите течности и испасираните јагоди, додајте го ѓумбирот на коцки, коцките мраз и добро протресете. Служете во широка чаша со цевка, а по желба може да капнете малку крем ликер, ако сакате да го дополните вкусот.