Овој мачор навистина мора да има девет животи! Пабло, бурманската мачка, скокнал во машината за перење без никој да забележи. Потоа сопственичката случајно ја затворила вратата, ја вклучила машината, а нивото на водата се искачувала сè повеќе и повеќе.

Пабло бил испран во програма за перење со ладна вода 55 минути и центрифугиран, но преживеал!

Неговата сопственичка не знаела што се случува кога ја затворила машината и ја започнала програмата. Деветмесечниот Пабло претходно се сместил во барабанот за да дремне. Дури по речиси еден час, кога ја отворила вратата – доживеала шок: мачорот лежел во барабанот – жив, но во критична состојба, објавува „Билд“.

Пабло веднаш бил однесен во Специјализираната болница за мали животни (SASH) на Голд Коуст во австралиската држава Квинсленд. Лекарите се бореле за животот на мачорот со часови.

„Имаше повреда на мозокот, повреда на белите дробови и изгуби неколку канџи. Веројатно беше во најлошата состојба што ја видов подолго време“, изјавила вработената во клиниката, Ела Јарсли.

Јарсли зборуваше и за шансите Пабло да преживее: „Нема многу мачки кои го преживуваат целиот циклус на перење. Беше прилично блиску до чудо.“

Во меѓувреме, миленичето речиси целосно се опоравило. Затоа болницата сега го објави овој случај, со предупредување: машините за перење претставуваат смртоносна опасност за мачките.

„Голема благодарност до семејството на Пабло што ни дозволи да ја споделиме неговата приказна“, се вели во соопштението.

Многу домашни мачки сакаат да пикнат на топли, тесни места. Она што изгледа како совршено место за спиење може брзо да се претвори во смртоносна стапица. Со овој случај, клиниката сака да ја подигне свеста кај другите сопственици на мачки. Бидејќи приказната на Пабло не е изолиран случај.