Среде семејните тензии, Бруклин Бекам го привлече вниманието на јавноста со емотивна фотографија што ја сподели на социјалните мрежи – тетоважа на грбот посветена на неговата сопруга Никола Пелц.

Имено, Бруклин Бекам сподели фотографија од тетоважата на Инстаграм инспирирана од пораката што неговата сопруга Никола му ја напишала непосредно пред нивната свадба во април 2022 година. Тетоважата, напишана со калиграфија, не е само уметнички детаљ на неговото тело, туку и длабока порака за љубов и поддршка од Никола.

„Мое момче. Читај го ова секогаш кога ќе почувствуваш вознемиреност. Сакам да знаеш колку си сакан. Имаш најубаво срце што некогаш сум го сретнала и се надевам дека никогаш нема да поминам ден без твојата љубов. Мислам дека си неверојатен. Само знај дека можеме да поминеме низ сè заедно ако дишеш полека и веруваш. Те сакам повеќе од сè. Засекогаш твојата идна сопруга“, пишува во пораката.

Објавата доаѓа во време на тензии во семејството Бекам, особено по обновените гласини за расправија на свадбата на Бруклин и Никола. Извор близок до семејството Пелц тврди дека расправијата избувнала откако Викторија Бекам наводно го презела првиот танц на свадбата, иако младенците планирале заедно да танцуваат на песна. Марк Ентони, пријател на семејството Бекам, требало да ја изведе песната како подарок, но пред да започне церемонијата, ја повикал Викторија на сцената и ја најавил како „најубавата жена во просторијата“, што, според изворите, ја повредило Никола.

Друг извор вели дека Никола и Бруклин го имале својот прв танц порано вечерта, а подоцна сите заедно уживале во настапот на Марк Ентони. И покрај обидите за помирување, тензиите остануваат, што дополнително се покажа кога Бруклин и Никола не присуствуваа на забавата по повод 50-тиот роденден на Дејвид Бекам на 3 мај.

ФОТО | Дејвид Бекам го прослави 50. роденден: Син му Бруклин не присуствуваше на забавата и покрена гласини за семејна расправија