Ќерката на српскиот фолк пејач Драган Којиќ Кеба, Наташа Којиќ, пред неколку години замина од Србија за Америка, откако доби стипендија на познатиот универзитет Беркли. Извесен период била фокусирана на глумата, па се појавила во серијата „Апартман 23“ (Apartment 23), а потоа беше објавена фотографија на која се гледаат таа и холивудскиот заводник Леонардо Дикаприо.

„Чест ми е што работам на сетот со Леонардо Дикаприо! Србија мора да го сака!“, напишала  Наташа Којиќ на тогашниот Твитер.

Подоцна, нејзината мајка Оља Којиќ прокоментирала: „Таша ни се пофали дека го запознала Леонардо. Агенцијата ја испратила да сними неколку кадри, но таа не знаела дека тој ќе биде таму. Таа за неколку месеци го оствари она што некој во Америка не би можел ниту за три години. Таа е воодушевена од Леонардо. Цел ден го поминале заедно на сетот и навистина пријатно ја изненадил. Се надевам дека ќе ги оствари своите цели и дека ќе се занимава со филмска музика“.

Се дознало дека тоа е филмот на славниот Мартин Скорсезе, „Волкот од Волстрит“ (The Wolf Of Wall Street), во кој глумеа и Марго Роби, Метју Меконахи и Џона Хил. По премиерата имаше злонамерни коментари за тоа дека лицето на Наташа едвај се гледало во финалната верзија на филмот, а таа продолжила да ги остварува своите цели.

Инаку, Наташа синоќа настапи во првата полуфинална вечер на српскиот национален избор за песна на Евровизија, познат како „Песма за Евровизију 2025“.

Таа ја изведе песната која е нејзино авторско дело „Up and down“.

„Јас сама ги напишав музиката, текстот и аранжманот. Технички не беше лесно, но успеав да ја адаптирам песната за ваков натпревар“, изјавила таа за РТС пред неколку недели.

 

View this post on Instagram

 

A post shared by Natasha Kojic (@natashakeymusic)

ФОТО | Ќерката на Кеба се враќа во Србија од Америка по 16 години: Пејачот шокиран, немал поим за тоа!

„Заситени сме од совршените приказни на Инстаграм, но реалноста е поинаква“: Ќерката на Кеба проговори за семејството и кариерата