Ќерката на пејачот Драган Којиќ Кеба, Наташа Којиќ, се врати од Америка во Србија, за да учествува на „Изборот за песна на Евровизија“. Таа ќе ја изведе својата песна „Горе и долу“, а при гостувањето во емисијата на „РТС“ проговори за семејството и кариерата.

– Музиката, текстот и аранжманот ги направив сама. Технички не беше лесно, но успеав да ја адаптирам песната за ваков натпревар – изјави Наташа.

 

View this post on Instagram

 

A post shared by Natasha Kojic (@natashakeymusic)

Признава дека ѝ се важни туѓите совети, но премногу коментари ја збунуваат, па најдобро е кога сама носи важни одлуки:

– Убаво е да се слушаат туѓи совети, но кога ги има премногу, тешко е да се избере вистинскиот пат. Сепак, имам и некои мои фиксни идеи кои сакам да ги применам во пракса. Кога човек слуша премногу мислења, има проблем да донесе одлука. Барем кај мене е така“, нагласи таа.

Таа признава дека нејзината најголема сила е семејството и дека без нивната поддршка не би била таму каде што е:

– Голема среќа е да знаеш дека твоето семејство е зад тебе, особено во овие времиња. Песната зборува за животните подеми и падови, за тоа како сè оди во круг. Денес сите сме заситени со совршени прикази на животот на Инстаграм, но реалноста е поинаква – сè оди нагоре, надолу, лево, десно. Важно е да ги избереме луѓето што не опкружуваат и да има единство – рече таа и додаде:

– Единството е единственото нешто што може да го спаси светот и тоа е поентата на животот – заклучила ќерката на Кеба.