Продавниците за половна облека можат да бидат вистинска ризница, но користената облека понекогаш крие неверојатни тајни. Таков случај е на Американката по име ЏоАн, која дошла до страшно откритие, откако купила палто во локална продавница, пишува „Дејли Мејл“.

Имено, таа во џебот од црвеното палто открила морничава порака од починатата сопственичка, на која пишувало „Закопајте ме во ова црвено палто“.

Приказната за оваа морничава порака, заедно со фотографиите од новата сосптвеничка, набрзо се прошириле низ социјалните мрежи. Со оглед дека палтото е пронајдено во продавница за поволна облека, се чини дека на претходната сопственичка не ѝ ја исполниле желбата, а луѓето под објавата на Фејсбук почнале да коментираат.

„Некому не му се исполнила последната желба.“, „Ова е навистина тажно.“, „Бидете внимателни. Покојната сопственичка може да дојде по вас поради нејзинoто палто.“, „Ова навистина ме растажи. Нејзината една скромна желба не беше испочитувана.“, „Се надевам дека е закопана во нешто убаво.“, биле дел од коментарите.