ФОТО | Кралицата со наведната глава и порака на белиот венец го испрати војводата од Единбург: Што напишала Лилибет за својот принц?
На ковчегот на војводата од Единбург, покрај венецот со свежи цвеќе, кој кралицата лично го избрала била прикачена и порака.
Препорачано
Принцот Филип, војводата од Единбург, беше погребан вчера во капелата „Сент Џорџ“ на имотот на замокот Виндзор. Неговите најблиски го испратија до неговото вечно почивалиште, а неговата сопруга, кралицата Елизабета и најстариот син принцот Чарлс не можеа да ги сокријат своите емоции.
View this post on Instagram
Војводата од Единбург почина на 9 април на 99-годишна возраст во Виндзор и беше погребан во согласност со неговите желби. Беше одржана соодветна церемонија, наместо кралски погреб, а ковчегот беше пренесен во капелата со специјален „Ланд Ровер“, во чие дизајнирање учествувал и самиот принц.
View this post on Instagram
Покрај знамето, на ковчегот беше положена неговата сабја и офицерска капа, како и венец со свежо цвеќе кој кралицата лично го избрала. За својот драг сопруг, со кого беше во брак повеќе од 70 години, кралицата одбра венец од бели лилјани, рози и фрезии, на кој беше прикачена и порака напишана лично од неа.
Содржината на целата порака е непозната. Единственото нешто што камерите успеаја го забележат е само мал дел од пораката: „Во спомен, со љубов“ …
View this post on Instagram
Се шпекулира дека кралицата се потпишала во пораката како Лилибет, што е нејзин прекар кој го користат нејзините најблиски, а војводата од Единбург особено сакал да ја нарекува така.
Поради воведените мерки за заштита од коронавирусот, кралицата мораше да седи во капелата одделно од сите. Криејќи ја својата тага зад црната маска, кралицата често гледаше надолу, а нејзините очи не можеа да се видат јасно заради работ на нејзината шапка.
View this post on Instagram
Да потсетиме, бракот на кралицата Елизабета и војводата од Единбург траеше цели 73 години. Венчавката на Елизабета и Филип се одржала на 20 ноември 1947 година во присуство на 2.000 гости. По венчавката кралскиот пар, по правилата на вишата класа во тоа време, живеел во одвоени соби.
View this post on Instagram
За да се ожени со Елизабета, Филип морал да го прифати британското државјанство и да се откаже од врските со Германија. На венчавката не смеел да повика никој од германската страна на семејството, па дури ниту своите три сестри (сите три сестри на Филип биле омажени за германски нацисти).
View this post on Instagram
Бидејќи се венчале во 1947 година, кога во Британија сè уште владеела поствоената немаштија, Елизабета, како и сите други невести, морала да го купи материјалот за венчаницата со бонови, кои ги имала заштедено, а владата ѝ доделила дополнителни 200. Со желба да ѝ помогнат, Британците на принцезата ѝ пратиле уште стотина купони, но таа на сите им ги вратила по пошта, со благодарница.
Фустанот од кинеска свила, украсен со цветен вез и кристали и вел од скоро пет метри, бил креиран од Норман Хартнел според сликата „Пролет“ на Ботичели, а ја шиеле 350 жени, цели седум недели.
View this post on Instagram
Елизабета и Филип во текот на 73-те години брак, ги добиле принцот Чарлс на 14 ноември 1948 година, принцезата Ана на 15 август 1950 година, принцот Ендрју на 19 февруари 1960 година и принцот Едвард на 10 март 1964 година.
