Во кралското семејство е традиција да се носат парчиња накит со долга и интересна семејна историја, а кралицата Камила избра едно од нив за гала-собир во Бакингемската палата.

Имено, во Бакингемската палата се одржа прием за истакнати дипломати, а во ексклузивното дружење уживаа околу 900 гости. Домаќини на гала вечерта беа кралот Чарлс и неговата сопруга Камила, кои за оваа пригода избраа парчиња со посебно значење кои ретко ги гледаме.

Во долга темносина вечерна тоалета од кадифе креирана од Фиона Клара, кралицата изгледаше многу елегантно, а посебно внимание беше дијадемата што ѝ припаѓаше на нејзината свекрва, покојната кралица Елизабета Втора.

Камила се појави за првпат со оваа тијара, а покојната кралица последен пат ја носела дури во 1970 година за време на посетата на Канада.

Во меѓувреме, дијадемата ја носеше војвотката од Единбург, Софи кога присуствуваше на свадбената вечера на Гијом од Луксембург во 2012 година, а потоа една година подоцна на свадбата на шведската принцеза Медлин.

Раскошната дијадема украсена со пет аквамарини Камила ја искомбинира со ѓердан од аквамарини и дијаманти и обетки кои според странските медиуми потекнуваат од нејзината сопствена колекција.

Покрај кралот и кралицата, на пречекот во Бакингемската палата се појави и принцот Вилијам, но не и Кејт Мидлтон, која наводно сака да се фокусира на претстојниот божиќен концерт во Вестминстерската опатија.

Здравјето на Кралот Чарлс се влошува, активирана „Операцијата Менаи Бриџ“ за кралскиот погреб