Трагедијата која се случи во Кочани каде во страшен пожар 59 лица го изгубија животот, а повеќе од 150 се повредени не остави никого рамнодушен. Голем број јавни личности се огласија да изразат сочувство, да ја искажат болката, тага и гневот…

А, за жал, тагата и болката понекогаш служат како најголем извор на инспирација за уметниците. Никола Перевски – Пере од „Нокаут,“ трогнат од оваа трагедија преку објава на неговиот инстаграм-профил сподели емотивната поема со која ги изрази своите емоци и ги искритикува оние што се насладуваат на туѓата несреќа, а ги охрабри луѓето да не заборават на вистинските вредности и да останат човечни, особено во вакви тешки моменти.

„Ќути кога боли
Луѓето знаат да гледаат.
Знаат да гледаат директно
во туѓата несреќа.Да кликнат,
да коментираат.
Да се насладуваат на туѓиот пекол
додека грицкаат нешто мрсно од ќеса.

Но,знаеш што не знаат?
Да молчат кога е потребно.
Да ја спуштат главата кога не знаат,
кога немаат поим.
Да се ​​тргнат настрана кога болката не е нивна.
Да ги остават луѓето да ги закопаат своите деца
без блиц,шепоти и евтини анализи.

Не барам чуда.
Не барам свет
без врева.
Барем за тие неколку дена,
Бидете луѓе.

Не таблоиди.
Не ловци на туѓа трагедија.
Не доктори за се и сешто.

Само луѓе.
Со душа,ако ни остана.
Затоа што ако го прокоцкаме и тоа –
Нема ни што да се свири веќе“, напиша Пере покрај споделената илустрација.

 

View this post on Instagram

 

A post shared by Nikola Perevski (@perrenokaut)