Лили Састри, ќерката на британскиот актер Роуан Аткинсон познат како Мистер Бин, изјави дека разводот на нејзините родители ја втурнал во „мрак и хаос“.

Седумдесет годишната ѕвезда се разведе од мајката на Лили, поранешната шминкерка Сунетра Састри, во 2015 година по две и пол децении брак. Нивниот развод се заврши за рекордни 65 секунди, а Роуан оттогаш е во врска со актерката Луиз Форд (44) со која ја изневеруваше сопругата.

Зборувајќи за разводот на нејзините родители, Лили (30) рекла дека поминала низ тежок период поради тоа што нејзиното семејство се распаднало.

„Поминав низ толку многу хаос и осаменост во тие дваесетти. Сега имам 30 години, јасно можам да видам каде бев и што се случуваше во мене во најтемните денови“, рекла Лили во новата објава на интернет, а пренесува „Дејли Мејл“.

„Бев толку изгубена и дури до доцните дваесетти почнав да се чувствувам нејасно нормално. Секогаш бев заробена меѓу световите – не припаѓаш овде, но не припаѓаш ниту таму“, додала таа.

Во раните дваесетти години, Лили се испробала во бурлеска танцување, а потоа се префрлила на пеење, што наводно нејзиниот татко финансиски го поддржувал.

Таа го промени своето презиме од Аткинсон во Састри на нејзината мајка во 2017 година, што предизвика гласини дека таа се „одрекува“ од својот татко.

Rowan Atkinson’s daughter Lily Sastry speaks for the first time about the ‘darkness’ of her parents’ divorce https://t.co/nNWtbVpA8i

— Daily Mail Online (@MailOnline) March 26, 2025

Лили, која живее во Лондон, сега е професионален уметник и ја имаше својата дебитантска изложба во мала независна галерија во главниот град минатиот декември.

Во својата нова објава на интернет, таа напиша:

„Тешко е да се најде кој си среде бура, без пријатели, со распаднато семејство и без идеја како да создавам музика и да го разберам светот. Ми требаа години да го сфатам мојот живот и која сум, да станам најдобрата личност што можам да бидам. Направив безброј грешки и бев повредена, изгубена и сама многу пати.

Роуан и Сунетра го имаат и синот Бен Аткинсон (31), кој е офицер во Кралската Гурка.

Роуан и неговата сегашна партнерка Луиз првпат се запознале во 2013 година, и веднаш започнале романса, но вешто ја криеле својата врска.

Луиз претходно беше во врска со стенд-ап комичарот Џејмс Акастер, кој подоцна преку врсниците открил дека таа го оставила.

Роуан и Сунетра градеа куќа вредна 13 милиони фунти во Оксфордшир во времето на нивната разделба во 2014 година. По раскинувањето, Аткинсон се пресели во викендичка вредна 4 милиони евра во Хемпстед, северен Лондон, додека Сунетра живееше во замок од 25 милиони евра во главниот град, кој Роуан ѝ го купи во 2014 година.

Откако на друштвените мрежи се рашири веста дека Лили го промени презимето, нејзиниот портпарол изјавил:

„Не е точно дека Руоан и Лили се скарале“.

Извор за „Дејли Мејл“ тогаш изјави:

„Тоа е вистинска мистерија. Аткинсон беше презимето на Лили цел живот, но сега таа се откажа и се потпишува со Лили Састри. Се надевам дека не се скарала со нејзиниот татко. Разводот беше навистина тежок за сите во семејството“.

Лили исто така реши да ги избрише сите траги од нејзиниот татко од нејзиниот јавен профил.

Но, таткото и ќерката беа видени заедно следниот октомври на афтер забава одржана во центарот на Лондон.

Аткинсон, кој привлече речиси 19 милиони гледачи како Мистер Бин во екот на својата кариера, собра богатство проценето на повеќе од 85 милиони евра.