Манекенката Жизел Бундшен (44) изминатиов период одмара во родниот Бразил, каде ужива во убавините на природата.

Таа на својот инстаграм-профил сподели фотографии од моментите од летниот одмор на кој замина со членови од нејзиното семејство. Тие го посетија националниот парк Ленсоис-Марањенсис, а уживаа и во бразилската сојузна држава Баија.

„Отсекогаш сонував да го посетам Ленсоис Марањенсис. Бразил е прекрасен“, напиша Жизел.

Жизел сподели и неколку фотографии на кои позира во различни костими за капење, а нејзините следбеници беа воодушевени од нејзиниот беспрекорен изглед.

„Прекрасна си, ти си мојата инспирација“; „Колку си убава“; „Неверојатна си“; „Најубавата жена на светот“, се само дел од коментарите.

Нејзините објави имаат два милиони лајкови на Инстаграм.

Инаку, манекенката претходно овој месец го прослави својот 44-ти роденден и на Инстаграм објави фотографија со нејзината сестра близначка Патриша.

„Благодарен сум што прославив уште една година околу сонцето со мојата супер сестра. Ви благодарам на сите за љубовта и роденденските желби. Се чувствувам благословена што сум опкружена со толку многу љубов. Со нетрпение го очекувам она што е следно“, напиша таа во објавата.

ВИДЕО | „Тоа беше време на хероински шик…“: Жизел Бундшен се присети на моментот кога ѝ се сменил животот