Организаторите на Евровизија се во „близок контакт“ со Селин Дион откако се појавија информации дека таа одбила да настапи во Базел оваа година. Швајцарија, земјата каде што се одржа првото издание на песна на Евровизија во 1956 година во Лугано, вечерва повортно е земја домакин на овој спектакуларен музички настан, овој пат епицентарот е Базел.

Селин Дион (57) ја претставуваше Швајцарија и победи во Даблин во 1988 година со песната „Ne Partez Pas Sans Moi“, а се шпекулираше дека можеби ќе се врати на сцената бидејќи Швајцарија немаше триумф од нејзината победа сè до минатогодишната победа на „Neme“ со песната „The Code“ во Малме.

Канадската пејачка се повлече од турнеите во последниве години поради сè посериозни здравствени проблеми предизвикани од синдромот на вкочанета личност, но се врати емотивно на сцената за време на Олимписките игри во 2024 година во Париз, каде што ја отпеа песната на Едит Пјаф – Hymne a l’Amour од Ајфеловата кула.

Се појавија информации и фотографии дека Дион испратила видео порака за првите полуфинални проби, во која им посакала среќа на натпреварувачите, што било протолкувано како знак дека сепак нема да настапи.

Сепак, швајцарскиот радиодифузен сервис ги отфрли тврдењата.

Портпаролот на швајцарскиот јавен радиодифузен сервис изјави:

„Сите елементи од првото полуфинале се репродуцирани и интензивно вежбани. Моментално нема промени во врска со Селин Дион – ние остануваме во близок контакт со неа“,пишува „Б92“.