Во вторникот се одржа свечената церемонија на доделување на наградите на женското списание „Харперс базар“, за жените кои ја одбележаа 2023 година.

Меѓу нив беше и светски познатата уметница Марина Абрамовиќ, која ја доби наградата за уметница на годината, а наградата ѝ ја врачи актерката Ким Катрал.

Абрамовиќ го привлече вниманието на бројните фоторепортери со својот изглед – драматична црвена креација, со потпис на познатата дизајнерка Вивиен Вествуд, која се карактеризира со преголема наметка од неколку слоеви.

Атрактивната актерка Ким Катрал, која е светски позната по својата улога во серијата „Сексот и градот“ („Sex And The City“) ги маѓепса сите во екстравагантна светкава креација, со драматични раменици и големи украсни копчиња.

ФОТО | Посетителите на новата изложба на Марина Абрамовиќ мора да се протнат меѓу две голи тела за да влезат