Ким Кардашијан вчера го славела православниот Божиќ со семејството и не пропуштила прилика да им го честита на многубројните следбеници најсреќниот христијански празник.

Но, никогаш не успева да го направи тоа како што треба и со години ја прави истата грешка, што предизвикува гнев во православниот свет.

Намерно или случајно, Ким Кардашијан знае да привлекува внимание. По потекло од Ерменија, од православно семејство, таа го слави Божиќ на 7-ми јануари. Бидејќи не ги заборава своите корени, секогаш се сеќава да им го честита Божиќ на своите сонародници. Сепак, се чини дека Ким е убедена дека православниот Божиќ е само за Ерменците или пак едноставно останатите православни луѓе не ѝ се многу важни.

Имено, таа на својот Инстаграм профил напиша „Среќен ерменски Божиќ“ и предизвика бура од коментари. Да и беше прв пат, можеби ќе ѝ се прости што не е запознаена со црквата, католицизмот и православието, јулијанскиот и грегоријанскиот календар, но едноставно изгледа невозможно никој од нејзиното семејство или ПР тимот да не ѝ објаснил.

За оваа година нејзината честитка да биде уште повпечатлива Ким се обидела да го направи знамето на Ерменија и преку него да посака среќен празник, но не успеала да го погоди редоследот и нијансите на боите на знамето.