ФОТО | Кијану Ривс со својата девојка на трка со мотори, не ја криеја љубовта
Киану Ривс и неговата девојка Александра Грант го украдоа шоуто на трката со мотоцикли.
Препорачано
Актерот (59) и визуелната уметница (54) се појавија на „MotoGP Liqui Moly Motorrad Grand Prix“ во Германија и не ја криеја љубовта држејќи се за рака. Со насмевка позираа пред фотографите, а добија и шанса да го означат стартот на трката. Киану, кој е голем обожавател на мотоцикли, основаше своја сопствена компанија за мотоцикли, „ARCH Motorcycle“, во 2011 година.
Актерот со години ја носи титулата „човекот со најголемо срце во Холивуд“, што не е чудно со оглед на тоа што голем дел од заработката ја донира во добротворни цели, им помага на луѓето на кои им е потребна помош, а е исклучително љубезен и трпелив со своите многубројни обожаватели.
Александра е уметница и филантроп од Лос Анџелес, која изложувала низ целиот свет. Таа е родена во Охајо и е уметница откако дипломирала на колеџот „Свартмор“ во 1994 година. Живеела во Мексико, Шпанија и Франција, а нејзините дела биле изложени во Музејот на уметноста на округот Лос Анџелес (LACMA), париската галерија „Градиви“ и галеријата „Харис Либерман“ во Њујорк.
Грант и Ривс ретко се појавуваат заедно на јавни настани, но кога се појавуваат, со задоволство позираат на црвениот тепих. Тие двајца се блиски со години и соработуваа на книгата „Ода на среќата“ од 2011 година, напишана од Ривс и илустрирана од Грант.
