Познатата манекенка Карли Клос (32) го очекува своето трето дете со партнерот Џошуа Кушнер. Среќната вест таа ја сподели на својот инстаграм-профил со фотографија на која се гледа трудничкиот стомак.

„Со три е позабавно“, напиша манекенката покрај фотографиите.

Оваа вест воодушеви многумина, а Карли истакна колку е благодарна за овој благослов. Во интервју за магазинот „Вог“, Карли откри дека таа и нејзиниот сопруг Џошуа Кушнер (39) се неверојатно благодарни за доаѓањето на новиот член на семејството.

 

View this post on Instagram

 

A post shared by Karlie Kloss (@karliekloss)

„Семејството ми значи сè“, изјавила таа.

Патем, Карли и Џошуа ја започнаа својата романса во 2012 година, а шест години подоцна се верија. Тие се венчаа во октомври 2018 година во Њујорк, а во 2021 година станаа родители на нивниот син Леви. Нивниот втор син, Илајџа, пристигна на светот во јули 2023 година.

Иако Карли ретко споделува фотографии од своите деца на социјалните мрежи, во април 2024 година за првпат го покажа лицето на нејзиниот најстар син Леви.