Поранешниот супермодел и прва дама на Франција, 56-годишната Карла Бруни, се појави на ревијата на „Сен Лоран“ за пролет/лето 2025 година, како дел од Париската модна недела.

Бруни имаше младешки изглед, во беж боди и проѕирно пенсил здолниште со висок струк што ги истакна нејзините долги, витки нозе. Својот моден изглед го надополни со бунда и црни потпетици.

Таа не ја тргна насмевката од своето лице и покрај тоа што во јули беше обвинета за бројни корупциски дела за кои можеше да заврши во затвор.

Како што пишува „Дејли мејл“, таа беше обвинета дека била вмешана во обиди да го „прикрие“ нејзиниот сопруг, поранешниот претседател Никола Саркози (69), кој добил милиони пари во готовина од починатиот либиски диктатор Моамер Гадафи.

Обвиненијата вклучуваат манипулација на сведоци и обид за измама поврзани со нелегални средства за време на кампањата за претседателските избори во 2007 година. И двете од овие тешки кривични дела се казнуваат до 10 години, а понекогаш и до 20 години.

Таа беше ослободена со кауција и не може да контактира со никој кој е вклучен во случајот, освен со нејзиниот сопруг.