Kaпитенот на македонскиот шампион, Еурофарм Пелистер, Мирко Радовиќ и официјално се збогуваше со битолскиот клуб.

Радовиќ беше еден од клучните луѓе кога започна проектот на Пелистер и помина четири години во овој клуб. Во Битола, Радовиќ пристигна од Ловќен во 2019. година, а во изминатата сезона беше еден од клучните играчи во освојувањето на седмата титула во историјата на пелистерци.

„Драга моја Битола, битолчани, ‘Чкембари’ и сите пелистерци ширум Македонија. Ви благодарам за незаборавните пет години. Благодарам што сте мое семејство, а ме прифативте и мене како свое. Среќен сум што најдобрите години од животот и кариерата ги минав токму во Битола.

За жал, дојде време да се разделиме, но се разделуваме на најубав можен начин. Ја вративме титулата по осумнаесет години, таму каде што ѝ е местото, во Битола. Клубот го оставам во сигурни раце, младите домашни сили ќе ја завршат работата со сигурност добро како мене, можеби и подобро. Се работи за врвни луѓе и спортисти пред кои лежи сегашноста и иднината на македонскиот ракомет.

Големо благодарам до соиграчите кои ме трпеа, знам дека не беше лесно. Благодарен сум и на управата на чело со семејството Стерјеви, кои ме третираа прво како член на семејството, па потоа како играч сите овие години.

Ти благодарам Битола, моја втора куќо… Ова не е збогум, туку само довидување – само повеќе не во улога на капитен, туку во улога на навивач. Ве сака вашиот капитен“, објави Радовиќ.

 

View this post on Instagram

 

A post shared by Mirko Radovic (@mirkoradovic13)