Актерките Ева Лонгорија (48) и Енди Мекдауел (65) синоќа присуствуваа на проекцијата на филмот „The Old Oak“. Филмот беше претставен на официјалната конкуренција на Канскиот филмски фестивал, кој се одржува од 16 до 27 мај.

И двете актерки воодушевија со својот изглед на црвениот тепих.

Иако има 65 години, Енди Мекдауел блесна во долг, црн фустан со суптилни светки и со пуштена брановидна фризура, со сега препознатливата седа коса. Во текот на изминатите неколку години, Мекдауел честопати јавно зборуваше дека ја прифаќа својата седа коса. Таа не ја обојува за да изгледа помладо, туку нагласува дека е задоволна со стареењето и прифаќањето на природната убавина што доаѓа со годините.

„Не знам што ќе се случи за пет години, можеби повторно ќе ја фарбам косата, но во моментов ми се допаѓа оваа сребрена нијанса, навистина уживам“, изјави актерката пред две години, во ток-шоуто на нејзината колешка Дру Баримор.

Фотографите на црвениот тепих ги воодушеви и 48-годишната Ева Лонгорија. Актерката ја покажа својата блескава фигура во полупроѕирен фустан од „Ели Саб кутур“, со светкави сребрени и бели детали.