Американската актерка Анџелина Џоли прошета на црвениот тепих на годинашното издание на Венецијанскиот филмски фестивал, каде ќе ја претстави биографската драма „Марија“ („Maria“), во која го глуми главниот лик – оперската пејачка Марија Калас.

Џоли облече беж фустан со потпис австралиската модна дизајнерка Тамара Ралф, со крзно што ѝ ги покрива ракавите и остава впечаток на зимски гламур.

Таа неодамна го смени својот препознатлив изглед и од бринета стана русокоса. За оваа пригода, таа се одлучи за едноставна фризура и само едноставно ја навитка косата. Она што беше најефектно и најмногу го привлече вниманието беше нејзиниот црвен кармин на усните и црвениот лак на ноктите.

Да потсетиме, Џоли пристигна во Венеција на 27 август, кога беше забележана во едноставна, но моќна комбинација – беж мантил, темни очила за сонце и црни чизми.

Вчера таа се појави во црн фустан со отворен грб, со кој ги покажа своите бројни тетоважи, и кафен шифон фустан што направи да изгледа како „божицата на Венеција“.