Лени Кравиц / Фото: Collin Xavier/Image Press Agency ABACA / Abaca Press / Profimedia

ФОТО | „Како овој човек има 61 година?“: Лени Кравиц ја соблече маицата и ги покажа стомачните мускули

Легендарниот музичар Лени Кравиц (61) повторно го воодушеви светот со својот младешки изглед. Со најновата објава на Инстаграм, каде што позира без маица и ги открива совршено извајаните стомачни мускули, Кравиц собра илјадници допаѓања и комплименти.

Во описот на фотографијата, која ја направил во Лас Вегас, музичарот напиша: „Лас Вегас. 43 степени“.

Реакциите не изостанаа – обожавателите се прашуваа како е можно на 61 година да изгледа толку младо и витко. „Како овој човек има 61 година?“, „Не можам да кажам ништо пристојно“, „Би сакала да го запознаам“, „Сите зумираме како да нема утре“, беа само дел од коментарите.

Фото: Инстаграм/Лени Кравиц

Кравиц одамна истакнува дека неговиот изглед не е случајност, туку резултат на здрави навики и дисциплина. Поголемиот дел од храната ја одгледува сам, а исхраната му се базира на растителни намирници, често во сурова форма.

„Јадам многу чисто“, вели тој, нагласувајќи дека секојдневно внимава што внесува во организмот.

Вежбањето е задолжителен дел од неговата дневна рутина. Најмногу сака кардио тренинзи, особено возење велосипед, и не пропушта да тренира дури и кога е на пат – па и во кожни панталони или фармерки ако така наложат околностите.

За време на подготовките за турнеја, Кравиц се откажува од алкохол, цигари и ноќни излегувања, а на сон му посветува минимум осум часа секоја вечер.

„Тоа е комбинација од гени, грижа за себе, напорна работа и дисциплина“, вели музичарот, додавајќи дека доследноста во овие навики позитивно влијае на сите аспекти од неговиот живот.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот