Италијанската гимнастичарка Џорџија Вила (21) стана вистинска сензација поради нејзините фотографии на кои рекламира пармезан.

Олимпијката Џорџија освои сребро на Олимписките игри во Париз во екипна гимнастика. По одличниот пласман на репрезентацијата, на социјалните мрежи повторно почнаа да кружат нејзини фотографии од 2021 година кои ги направила како дел од партнерството со конзорциумот „Пармиџано Реџано“.

Имено, младата спортистка го објавила своето партнерство со „Пармиџано Реџано“ уште во април 2021 година, позирајќи во црно трико покрај џиновско тркало од сирење.

„Многу сум среќна што станав дел од ова големо семејство. Од дете го сакам овој фантастичен производ, симбол на извонредноста и италијанската култура и од денес сум исклучително горда што можам да работам со нив“, напишала таа во тоа време.

Корисниците на социјалните мрежи тогаш беа воодушевени од оваа соработка и оставија голем број позитивни коментари.

„Конечно спонзорство што можам целосно да го поддржам“; „Импресиониран сум што Вила може да држи вакво тркало од пармезан во свои раце“, беа дел од коментарите.

Како што пишува магазинот „Пипл“ нејзината соработка со споменатата компанија завршила во 2022 година. Иако партнерството завршило, „Пармиџано-Реџано“ даде изјава по нејзиниот настап на Олимписките игри.

„Секогаш сме воодушевени кога членовите на италијанскиот тим, особено толку млади, постигнуваат такви извонредни резултати“, изјавиле тие за „Пипл“.

Инаку, покрај среброто на овогодинашните игри, Вила беше репрезентативец и кога ја освои бронзата на Светското првенство во 2019 и беше во селекциите што освоија злато и на Медитеранските игри во 2022 и на Европското првенство во 2022 година.

ФОТО+ВИДЕО | Том Круз продолжува со акробации и на 62 години: Висеше од авион додека снимаше филм