Контроверзниот 46-годишен американски рапер Канје Вест тврди дека поради тешка сообраќајна несреќа што ја доживеал во 2002 година, „има знаци на аутизам“ и дека не боледува од биполарно растројство. пишува „Пејџ сикс“.

Канје го замолил својот пријател Иан Конор, 30-годишен личен стилист кој е обвинет од повеќе жени за сексуален напад, да ги сподели со светот наводните пораки што раперот ги испратил на Илон Маск.

„Кога ќе разговараме? Не ми должиш ништо. Не мора повторно да разговараш со мене. Но, ако разговараме, природата на нашата врска мора да се промени. Јас не сум биполарен. Имав знаци на аутизам уште од мојата сообраќајна несреќа. Не можеш само да гледаш додека Ким (Кардашијан) ги одзема моите деца од мене и не кажува ништо за тоа, а потоа вели дека си мој пријател за да ја доведам публиката на твојата пропадната платформа“, напишал Канје.

Инаку Канје во 2018 година тврдеше дека му било дијагностицирано биполарно растројство, но во 2022 година рече дека му била погрешна дијагноза. Тој тогаш објасни дека дрогата му била дадена за да го направат „позната личност со добро однесување со која може да се разговара и да се соработува“.

Понатаму, иако тој тврди дека неговата 42-годишна поранешна сопруга Ким Кардашијан не му дозволува да ги гледа нивните деца, раперот и неговиот седумгодишен син Сент отишле на натпревар помеѓу италијанските фудбалски тимови Милан и Џенова во италијанскиот град Џенова на 7 октомври.

Да потсетиме, Канје и Кардашијан беа во брак од 2014 до 2022 година и имаат четири деца – ќерките Норт (10) и Чикаго (5) и синовите Сент (7) и Псалм (4). Раперот тајно се омажи за 28-годишната австралиска архитектка Бјанка Ценсори.