Австралиската актерка Никол Кидман (56) „го украде шоуто“ на плажа во Сиднеј, каде го помина денот со сопругот Кит Урбан (56) и семејството.

Како што може да се види на фотографиите, Кидман уживала во пливањето и го заштитила својот светол тен од силното сонце со костим за капење со долги ракави.

По капењето, трчала на плажата кон чадорот за сонце за да биде што е можно помалку на сонце.

Кидман веќе извесно време е мета на критики за својот изглед. Таа призна дека користи ботокс, негира какви било други естетски зафати, но сепак нејзиното лице е главна тема меѓу обожавателите.

Така беше и во ноември минатата година, кога таа и нејзиниот сопруг се појавија на црвениот тепих.

Да потсетиме, Кидман и Урбан ќе ја послават 18-годишнината од бракот во јуни. Актерката го запознала музичарот во 2005 година и се заљубиле на прв поглед, но не си кажале веднаш.

На Урбан му требале четири месеци да ја повика Кидман по нивната прва средба. Во 2006 година, пејачот ја изненадил холивудската ѕвезда со цвеќе во 5 часот наутро на нејзиниот роденден, а романтичниот гест ја натерал да се омажи за него.

ФОТО | Науката одлучи според златниот пресек: Овие убавици ги имаат најсовршените нозе на светот!