Македонската инфлуенсерка Софија Јанева е меѓу најследените Македонки на Инстаграм која успеа да изгради силна врска со илјадници следбеници. Таа постојано споделува моменти од својот приватен живот, а во изминативе 9 месеци зборуваше и за подготвките за своето ново животно искуство – мајчинството.

Сега, Софија на голема радост на нејзините следбеници објави дека на свет го донела своето прво дете. Имено, таа и нејзиниот сопруг Виктор го добија малиот Матео.

 

View this post on Instagram

 

A post shared by Sofija Janeva (@janeva)

Покрај фотографијата од нивниот штотуку роден син Матео, македонската инфлуенсерка го откри датумот на раѓањето на бебето и се заблагодари на убавите честитки. Во објавата таа нагласи и дека, „иако патот беше тежок, секоја минута вредеше“.

„Матео пристигна на 31.01.2025. Нашиот живот веќе никогаш нема да биде ист – сега е исполнет со топли прегратки, безусловна љубов и нежни бакнежи. Патот беше многу тежок, но секоја минута вредеше. Ви благодарам од срце за вашата љубов и честитки. Извинете ако не одговорам веднаш – ми треба време да се опоравам психички и физички и да се прилагодам на мојата нова улога како МАЈКА“, напиша таа.

Инаку, неодамна во интервју за „Слободен печат“, Софија искрено зборуваше за предизвиците, за тоа како се подготвува за породувањето, како бременоста ја промени нејзината перцепција за животот и како социјалните мрежи влијаат врз нејзината улога како идна мајка.

Што прави денеска: Софија Јанева, економистка и блогерка