Неделава, посетителите на плажите во Тексас долж брегот на Заливот забележале запрепастувачка глетка – илјадници мртви риби на песокот. Еден пар кој шетал по плажата Квинтана во близина на Фрипорт забележал риба расфрлана на километри по брегот, јавува „Си-Ен-Ен“.

„Се надевав дека ќе го искористам мирното море и ќе фатам попрскана пастрмка, но за жал работите не се одвиваа според планираното“, изјави Дарел Шопе, кој видеото од рибата го објавил на Фејсбук.

Други видеа и фотографии на социјалните мрежи покажаа купишта претежно мали риби кои го покриваат работ на плажата за време на она што властите за животна средина го нарекоа „настан со ниска заситеност со кислород“.

Заливската риба менхаден, за која американската Национална океанска и атмосферска администрација вели дека е најголемиот улов во Мексиканскиот Залив, е најпогодена од ова убивање. Тим од биолози ги испитува смртните случаи на риби и диви животни предизвикани од природни настани и загадување.

„Ваквите убивања на рибите се вообичаени во лето кога температурите се зголемуваат. Ако нема доволно кислород во водата, рибата не може да „дише““, изјавила портпаролката на „Тексас Вајлд лајф“, Лерин Џонсон.

Ниското ниво на кислород во водата во многу случаи е природен феномен.

Пети Бринкмајер, надзорник во окружниот парк Квинтана Бич, изјави за „Си-Ен-Ен“ дека веројатно „стотици илјади“ риби завршиле на плажата откако таа го забележала настанот во петокот наутро: „Буквално можевте да видите маса риби како лебди на водата. Изгледаше како големо ќебе“.

Бринкмајер работела во паркот 17 години и рекла дека ова е трет пат голем број риби да се исфрлат на брегот. „Ова е убедливо најмногу што сум го видел“, рече Бринкмаер.

Постудената вода обично содржи повеќе кислород, а потоплата морска вода долж плажата Квинтана можеби придонела за убиството на менхаден, објавија властите на паркот на Фејсбук.