Македонската планинарка, уметница и активистка, Илина Арсова, додаде уште една титула на своето богато портфолио – доктор на науки.

По години посветеност и труд, таа успешно ја одбрани својата докторска дисертација во САД, специјализирајќи во областа на општествените науки, со фокус на родовите прашања, спортот и медиумите како алатки за социјални промени.

Арсова ја сподели среќната вест на својот фејсбук-профил, изразувајќи благодарност кон сите што ја поддржувале во овој долг и предизвикувачки пат.

„Чест ми е да споделам дека на 25 март 2025 успешно ја одбранив мојата докторска дисертација. Сега и официјално сум експерт за родови прашања, спорт и медиа кои несомнено водат кон социјални промени.

Ви благодарам на сите што ме храбревте и поддржувавте во овој долг, изолиран и сопствен рефлексивен процес на учење и надградување.

Наскоро повеќе детали… чувајте се и само преку знаење, етика и солидарност заедно да изградиме една подобра држава и иднина за сите“, напиша Арсова.