Македонскиот пејач, актер и шоумен Игор Џамбазов го користи неговиот инстаграм-профил како средство за комуникација со јавноста и обожавателите. Честопати објавува прошетки во минатото, стихови и мисли со кои се поврзуваат многу луѓе, а овојпат го искористи своето интернет ќоше за да изрази незадоволство за третманот кон македонските музичари.

 

View this post on Instagram

 

A post shared by Игор Џамбазов (@igordzambazov)

„Ги замолувам сите сопственици на дискотеки и клубови кои ангажираат полуанонимни пејачки од Балканот, со една и пол песна во кариерата, а ги плаќаат 5 (и со букви ПЕТ) пати повеќе од најдобрите македонски изведувачи, ич да не ме бараат за настап со мојот бенд. За вас дечки сум недостапен…дур сум жив. Идемо садаааа….Балкан гориииии….“, објави Џамбазов и напиша „Назад во реланоста“.

На објавата се нанижаа коментари од истомисленици, музичари и луѓе со апетити за поголема застапеност на нашите изведувачи во културата.

Ова се само некои од коментарите, во кои е испишана согласност со Џамбазов и неколку шеги кон постојаната промоција на српската клупска „култура“.

Објавата на Џамбазов предизвика големо внимание и ја споделија и други уметници, меѓу кои и Тијана Дапчевиќ, Дани Димитровска и Панчо од групата „ДНК“, кои се исто така разочарани и изреволтирани од пристапот на сопствениците на локали кои треба да „курираат“ вкус за публиката.