Холивудската ѕвезда Гвинет Палтроу, која моментално минува низ менопауза, откри дека успешно се справувала со симптомите се до пожарот во Лос Анџелес, а потоа спасот го побарала во алкохолот. Зборувајќи со д-р Мери Клер Хејвер во една од епизодите на „The Goop Podcast“, актерката откри дека целата ситуација излегла од контрола откако пиела „секоја вечер“ за време на пожарите во Лос Анџелес во јануари.

„Забележав дека симптомите на менопауза ги поминувам прилично добро и под контрола, се до јануари кога се случуваа пожарите во Лос Анџелес. Тогаш пиев секоја вечер“, изјавила холивудската ѕвезда.

Палтроу објаснила дека менопаузата влијаела и на нејзиниот сон и дека има ноќи кога нејзината анксиозност преовладува.

Gwyneth Paltrow’s menopause symptoms spiraled ‘out of control’ from drinking ‘every night’ during LA wildfires https://t.co/iQdHT80xJj pic.twitter.com/ZsauYfgFbQ

— Page Six (@PageSix) March 5, 2025

„Само ќе се разбудев и ќе ме обземеше анксиозност, каква што никогаш не сум ја имала во животот. И лежев во кревет размислувајќи за секоја грешка што некогаш сум ја направила, за чувствата на секоја личност што некогаш сум ги повредила, за секој лош потег“, признала Гвинет.

Сепак, како што изјавила, таа е оптимист и се надева дека најлошото е зад неа.

Инаку, среде пожарот таа објави пост на својот Инстаграм профил:

„Нашиот сакан Лос Анџелес … Длабоко тагувавме за загубата на толку многу наши блиски пријатели, кои изгубија сè“.

Палтроу во јануари изјави дека таа и нејзиното семејство се безбедни, но истиот месец таа го продаде својот дом во Брентвуд, Калифорнија, за 22 милиони долари. Имотот бил недопрен од пожарот.