Американскиот модел Криси Тајген е секогаш транспарентна за нештата кои ѝ се случуваат во приватниот живот, особено ако станува збор за мајчинството. Имено, таа во јануари годинава се породи со нејзиното трето дете, ќерката Ести.

Сега Тајген сподели нова фотографија на која се капе гола во када со својата ќерка, избирајќи да ужива во мајчинството наместо да се фокусира на своите физички недостатоци.

„Града која некако виси по цела моја страна и длабоки виолетови доживотни лузни, но премногу сте совршени за да се грижите за нешто од тоа“, напиша младата мајка во описот на фотографијата.

Нејзините пријатели и следбеници ѝ напишаа бројни коментари во кои ѝ испратија љубов и поддршка за нејзината совршено несовршена фотографија.

„Ова се животни лузни на една убава жена и мајка. Ова е доказ дека ние сме силни и храбри. Носи ги [лузните] со гордост“, ѝ искоментира еден нејзин обожавател.

Како потсетување, Криси Тајген и пејачот Џон Леџенд ја започнаа љубовната врска во 2006 година, а стапија во брак во 2013 година. Тие веќе се родители на шестгодишната Луна и четиригодишната Мајлс.

Пред две години, Тајген беше бремена по третпат, но тогаш парот сподели дека манекенката доживеала спонтан абортус поради компликации во бременоста. Неодамна, таа откри дека не доживеала спонтан абортус, туку дека морала да абортира бидејќи бебето немало шанси да преживее.

Во јануари годинава, Тајген и Леџенд станаа родители на нивното трето дете, ќерката Ести.