Фото: Инстаграм/Горан Папаз

ФОТО | Горан Папаз стана татко на тројка: Музичарот им даде интересни имиња на ќерките и синот!

Македонскиот саксофонист Горан Папазоски – Папаз и неговата сопруга Наташа Атанасовска станаа родители на тројка.

Наташа се породи вчера, 30 декември, и на свет ги донесе ќерките Лена и Луна и синот Лазар.

Двојката веќе доби бројни честитки на социјалните мрежи за приновата.

„Браво мама Наташа. Честитки и до мајсторот Горан. Да се живи и здрави Лена, Луна и Лазар. Ви ја посакувам сета среќа на светот“, гласи една од честитките на Инстаграм.

Фото: Скриншот/Инстаграм

Да потсетиме, славниот музичар, кој на јавноста ѝ стана познат по ангажманот во групата „Суперхикс“, ја објави среќната вест дека ќе стане татко во август годинава и ги покажа фотографиите од ултразвукот.

„Шансите да добиеш природна тројка биле 1 на 1.000. Ние победивме! Вака изгледа скрининг на три бебиња во меше.

П.С. Го решив проблемот со барање музичари за бенд“, напиша Папаз во описот.

Фото: Инстаграм/Горан Папаз

Да потсетиме, Горан и Наташа стапија во брак пред две години. Тогаш направија голема свадбена прослава, на која присуствуваа членови на блиското семејство и нивните пријатели.

„Јас сум најсреќниот човек во универзумов. Фала ви на сите што сте дел од мојов, нашиот живот, ми го направивте денот најубав. Нате, не дека си моја, ама најубава си ми. Те сакам до небото“ напиша тогаш познатиот саксофонист.

Инаку, музичарот веќе има еден син од претходниот брак, Дамиан.

Фото: Инстаграм/Горан Папаз

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот