ФОТО | Голем број познати личности присуствуваа на модната ревија на Џорџо Армани неколку недели по смртта на дизајнерот
Бројни познати личности се собраа на Неделата на модата во Милано за да му оддадат почит на Џорџо Армани. Ревијата за пролет/лето 2026 се одржа синоќа во музејот Пинакотека ди Брера, со што заврши Неделата на модата и се одбележа 50-годишнината од постоењето на брендот.
Препорачано
Меѓу гостите на шоуто беа Кејт Бланшет, Глен Клоуз, Лорен Хатон, Спајк Ли, Семјуел Л. Џексон, Ричард Гир, Алехандра Силва, Ана Винтур, Лесли Биб и други пријатели и соработници на Армани, пишува „Пипл“.
Lady Cate, Mr. Armani would be proud of you 👏 pic.twitter.com/x1z0BbdKQA
— @Ms.Blanchett. (@BlanchettMs) September 28, 2025
Самуел Л. Џексон (76) претходно му оддаде почит на Армани на денот на неговата смрт, велејќи: „Ви благодарам, г-дине Џорџо Армани, за безбројните години пријателство, соработка и посветеност на вашата визионерска работа. Нека Бог ве благослови и прими во вечен мир.“
View this post on Instagram
На свеченостите им претходеа други настани: на 30 август, на Венецискиот филмски фестивал, Армани ја лансираше својата дигитална архива Armani/Archivio, по што следеше гала вечера на која беа поканети Бланшет, Роузи Хантингтон-Вајтли, Моли Гордон и Џема Чен.
Ricordiamo la lunga amicizia tra Giorgio Armani e Richard Gere in occasione della sfilata della Milano Fashion Week 2025 che celebra l’opera dello stilista e maestro moda https://t.co/vO9dZwmkK3
— Vogue Italia (@vogue_italia) September 28, 2025
Исто така, на 24 септември, во галеријата Брера во Милано беше отворена изложбата „Џорџо Армани, Милано, за љубов“, на која беа претставени повеќе од 100 парчиња од изминатите пет децении кои беа лично избрани од дизајнерот.
Glenn Close
Giorgio Armani
Spring 2026
RTW pic.twitter.com/tHUsheFLyW— Miguel Ángel 🏳️🌈 (@Miki_Trent) September 29, 2025
Имено, во своето последно интервју, објавено на 29 август во „Фајненшл тајмс“, Армани призна дека најголемо жалење му е што поминал премногу време работејќи, а недоволно време со пријателите и семејството. Тој зборуваше и за планот за наследување, постепеното пренесување на одговорностите на блиските соработници, членовите на семејството и тимот, со желба промената да биде органска и да не предизвика ненадеен прекин.
Иако ја пропушти машката модна ревија на Неделата на модата во Милано во јуни, тоа беше првпат по 50 години да биде отсутен, тој ги следеше настаните од далечина преку видео пренос додека се опоравуваше од здравствени проблеми.
Потоа изјави: „Ги управував сите операции – од пробите, до закажувањето претстави, до шминката – од далечина преку видео врска. Сè што ќе видите беше направено под мој надзор и со мое одобрение.“
Да ве потсетиме дека легендарниот моден дизајнер Џорџо Армани почина на 4 септември на 91-годишна возраст.
