Со голема празнина и бескрајна болка по загубата на Андреј Лазаров, денеска фудбалскиот клуб Шкупи се обиде да се врати во тренажниот процес.

Сепак, денешниот тренинг беше откажан на барање на играчите кои тагуваат поради својот фудбалер кој го загуби животот обидувајќи се да им помогне на другите да се спасат од пожарот во дискотеката „Пулс“ во Кочани.

– Тренирањето и продолжувањето на сезоната понекогаш ќе ни биде најтешко, но ќе играме за тоа, и со тоа и во негова чест. Андреј секогаш ќе биде дел од нашето семејство! – стои во објавата на ФК Шкупи.