Македонскиот репрезентативен голман Столе Димитриевски имаше нов одлични перформанси во дресот на Рајо Ваљекано кој одигра нерешено 1:1 против Барселона во „Ла Лига“.

Рајо Ваљекано водеше со 1:0, но Барса успеа среќно да го избегне поразот со автоголот на Лежен кој го измами нашиот чувар на мрежата.

Новинарот Фабрицио Романо, експертот за фудбалски трансфери на својот Инстаграм профил објави слика заедно со Димитриевски и од кого доби дрес од натпреварот против каталонскиот гигант.

Македонскиот голман има важечки договор со Рајо Ваљекано до крајот на сезоната, односно до 30 јуни 2024 година.

Токму Романо овој месец објави дека Севиља и Виљареал се клубовите кои покажуваат интерес за нашиот репрезентативец.