ФОТО | Еуфорично: Легендарната Лорин сака повторно да се врати на Евровизија
Шведската поп-пејачка Лорин, која ѝ ја донесе евровизиската победа на Шведска во 2012 година со песната „Euphoria“, повторно се натпреварува на националниот избор „Мелодифестивал“, чие финале ќе се одржи на 11 март.
Препорачано
-
1
-
2
-
3
Токму оваа информација беше доволна за Шведска да ја спушти Украина на второто место на обложувалниците, каде се предвидува победникот на годинашната Евровизија, и да се искачи на тронот.
Имено, ова ѝ е четврто учество на Лорин на „Мелодифестивал“. Нејзиниот дебитантски настап се случи во 2011 година, кога ја изведе песната „My Heart Is Refusing Me“. Следната година победи со легендарната песна „Euphoria“, со која победи и на самата Евровизија. Неколку години подоцна, поточно во 2017 година, таа повторно си ја проба среќата со песната „Statements“, но не успеа да влезе во големото финале на „Мелодифестивал“.
Годинава, таа се натпреварува со песната „Tattoo“, чиј авторски тим е истиот кој работеше и на „Euphoria“.
„’Tattoo’ е прекрасна песна. Полна е со духовност. Ако песната ‘Euphoria’ ја доживуваме како зајдисонце, тогаш ‘Tattoo’ е зора, изгрејсонце“, изјавила Лорин.
Повеќе вести за Евровизија:
Спектакл во најава: Ова се водителите на годинашната Евровизија во Велика Британија
Евровизиските фанови во транс: Француската песна е апсолутен фаворит за победа
„Би-би-си“ за контроверзната песна на „Лет 3“: Нема место за политика на Евровизија
