Џил Бајден се појави во интересно модно издание кое заинтригира многумина, но мора да признаеме дека нејзиниот моден стил е далеку посмирен и поповлечен од оној на Меланија Трамп кој всушност ја претвори во вистинска модна кралица…

Новиот претседателски пар на Америка, Џо и Џил Бајден, откако ги презема сите должности од претседателството, започнаа со своите службени патувања и обврски.

Во една ваква прилика првата дама се реши за елегантна комбинација, па покрај својот сопруг се појави отмено облечена во сино сако и бело плисирано здолниште до колена. Џил избра слоевита комбинација, но секое парче облека беше посебно истакнато. Таа на нозете носеше многу ефектни чизми, кои ги обожуваат многу жени во светот.

Станува збор за црни чизми до колена со блок потпетица, кои се многу лесни за комбинирање. Тие воедно се и многу елегантни и стабилни, па можете да ги носите во текот на целиот ден без проблем. Црната боја оди со се, а овие чизми дефинитивно се лесно вклопливи за секоја прилика.

Уживајте во нив како и првата дама на САД.