Македонската пејачка Каролина Гочева во саботата (23 ноември) ја започна својата турнеја низ Германија со концерт во Штутгарт, а вечерва ќе настапи пред своите обожаватели во Нирнберг.

Елегантна како и секогаш, нашата музичка дива настапи во прекрасен црн фустан на дизајнерката Јована Филиповиќ, целосниот изглед ѝ го осмисли стилистката Јована Зука. За шминката и за фризурата се погрижи Елена Митев, која целосно ѝ ја истакна убавината на Гочева.

„Благодарност до сите кои бевте и пеевте со нас во саботата во Штутгарт! Ние сме веќе во Нирнберг и ве чекаме вечерва“, напиша Гочева на својата официјална страница на Фејсбук.

Гочева следно ќе настапи во Дизелдорф (29.11), Мајнц (1.12), Хамбург (13.12) и Берлин (16.12).