Канскиот филмски фестивал отсекогаш бил повеќе од прослава на седмата уметност – тоа е и сцена каде што модата е прикажана во својот најраскошен сјај.

И оваа година, познатите дами (и некои господа) ја искористија можноста да го покажат својот стил, софистицираност и личен печат, почитувајќи ги построгите правила што беа воведени оваа година на црвениот тепих.

Наместо провокации и екстравагантни кроеви, доминираа рафинирани детали, беспрекорни силуети и гламур што го одзема здивот – оној вистинскиот, суштинскиот, кој не бара внимание, туку природно го привлекува.

Подолу, издвојуваме десет од најубавите модни изданија од овогодинешниот Кански фестивал – оние што нема да ги заборавиме толку лесно.

1. Алесандра Амброзио – Смарагдната божица

Бразилскиот супермодел ги засени сите во смарагдно зелен фустан од Зухаир Мурад од колекцијата пролет 2025. Пуфкастите ракави, високиот шлиц и текстурираниот материјал ја направија кралица на отворањето на фестивалот.

2. Хајди Клум – Игра со правилата

Хајди се појави во син фустан со светки од „Ели Сааб“, од колекцијата „1001 Seasons Haute Couture“, со длабоко деколте и спуштени рамена. Иако малку провокативен за новите правила на фестивалот, овој фустан зрачеше со сексапил и ретро елеганција.

3. Ирина Шајк – Црн лебед од црвениот тепих

Ирина носеше драматичен црн фустан без прерамки, целосно покриен со пердуви и кристали, исто така од „Ели Сааб“, комплетиран со проѕирни ракавици кои го евоцираат гламурот од минатите децении.

4. Карла Бруни фрли сенка врз сите други

Поранешната прва дама на Франција, Карла Бруни, блескаше во фустан украсен со кристали од Вивиен Вествуд. Оваа креација комбинираше суптилна сензуалност и софистицираност – вистинска почит кон нејзиниот статус како модна икона.

5. Хали Бери – Цветно и предизвикувачки

На шестиот ден од фестивалот, Хејл Бери прошета во дводелен сет од модната куќа „Шанел“, украсен со пастелни цветни апликации и 3Д детали. Горниот дел од јакната, со гола кожа што ѕиркаше од под неа, го правеше стилот смел, но совршено избалансиран.

6. Дакота Џонсон – Едноставна, но впечатлива елеганција

Актерката Дакота Џонсон воодушеви во розов фустан со реси, дело на модната куќа „Гучи“, во кој се појави на црвениот тепих. Фустанот го комбинираше пролетниот тренд и ретро шармот.

7. Скарлет Јохансон – Небесно сина романса

Скарлет носеше небесно син фустан од тил без прерамки од „Прада“, кој беше украсен со лелеави слоеви материјал што создаваа ефект на бајка. Фустанот совршено ја следеше линијата на нејзиното тело и даде допир на луксуз и женственост на црвениот тепих тој ден.

8. Ел Фенинг – Менување на имиџот

Ел Фенинг го отфрли својот стил од бајките и блесна како гламурозна дива во тесен светло син фустан со розови цветни детали, од модната куќа „Армани Прив“.

9. Барбара Палвин – Балерина од бајка

На галата на amfAR, Барбара Палвин носеше венчаница како од бајките од колекцијата на Вивиен Вествуд, со балон здолниште и преголеми машни. Нејзиниот изглед беше почит кон балетската естетика и модниот луксуз.

10. Мишел Киган – Бела елеганција со дрска силуета

Британската актерка Мишел Киган се појави во елегантен фустан од корсет со крој пеплум, во комбинација со иста шапка. Иако дизајнерот не беше наведен, стилот беше во рангот на високата мода и идеален за формален настан.