ФОТО | Ѕвездата на филмот „Паразит“ пронајден мртов во својот автомобил
Ли Сун-кјун (48), популарниот јужнокорејски актер најпознат по улогата во филмот награден со Оскар „Паразит“ (Parasite), е пронајден мртов во автомобил во Сеул во средата, соопштија властите по неколку недели интензивна полициска истрага за неговото наводно користење на опијати.
Препорачано
Во автомобилот биле пронајдени докази дека Ли извршил самоубиство. Актерот веднаш бил пренесен во болница, но, за жал, не можеле да го спасат.
Како што пренесуваат медиумите, Сун-кјун во моментот на смртта бил под полициска истрага, поради сомневање за употреба на дрога.
Content warning: mention of suicide
Police investigate a car in which the body of South Korean actor Lee Sun-kyun was found at a park in central Seoul on December 27, 2023.
Sun-kyun, best known for his role in the Oscar-winning film “Parasite”, was found dead in an apparent… pic.twitter.com/SmbJYCzsP2
— Philstar.com (@PhilstarNews) December 27, 2023
Полицијата во Сеул го идентификувала актерот откако на 27 декември во 10:30 часот на паркинг било пронајдено тело на маж на возраст околу 40 години. Претходно, во текот на денот, полицијата добила повик од сопругата на актерот која рекла дека во нивниот дом пронашла белешка во која тој најавува самоубиство. Потрагата по него е започнала.
Сун-кјун неколкупати бил фатен како користи наркотици во еден бар во Сеул, а на полицијата ѝ рекол дека „хостеса му ја подметнала дрогата“. Неколку дена пред смртта, Сун-кјун трипати бил испрашуван во полиција, а сослушувањето кое се случило минатиот викенд траело дури 19 часа.
Законите во Јужна Кореја се многу строги кога станува збор за дрогата – казните се движат од 6 месеци до 14 години за повратниците.
Сун-кјун стана светски познат по улогата на Донг Ик во хит филмот „Паразит“, кој ја освои наградата Оскар за најдобар филм во 2020 година. Тоа е првиот филм од неанглиско говорно подрачје кој освоил Оскар во оваа категорија.
Сун-кјун ја освои наградата на Здружението на филмските актери (Screen Actors Guild Award) во 2021 година за неговата извонредна улога во овој филм, а добитник е на многу други награди.
