Џорџ Клуни привлече внимание појавувајќи се на црвениот тепих на 78-мото доделување на наградите „Тони“ во својот препознатлив стил – со природна, седа коса која реши да ја врати по долго време.

Славниот актер беше номиниран за својата прва награда „Тони“ оваа година, благодарение на улогата во бродвејската претстава „Добра ноќ и среќно“ (Good Night, and Good Luck). За таа пригода, тој претходно ја обои косата темна за да личи на новинарот Едвард Р. Мароу, кого го играше, но откако заврши претставата, реши да се врати на својата природна боја – што особено ја израдува неговата сопруга Амал.

„Мојата сопруга беше најсреќната личност кога се вратив дома и се ишишав“, рече 64-годишниот Клуни на црвениот тепих. „Изгледав како дилер на дрога со таа лоша црна боја на коса“, додаде тој.

Улогата на новинарот Мароу бараше одредена физичка сличност, па затоа Клуни го промени својот изглед за улогата. На Амалне ѝ се допадна неговата трансформација и призна дека е среќна што се врати на својот природен изглед. Зборувајќи за промената на имиџот, Клуни коментираше со смеа во емисијата на Сет Мејерс: „Изгледам како да поминувам низ некаква ужасна криза на средните години. Имам 64 години – средните години се малку напнати“.

Претставата во која тој настапи влезе во историјата како прва бродвејска продукција емитувана во живо на „Си-ен-ен“, што Клуни го смета за голем пресврт. „Среќен сум што повеќе луѓе ќе ја видат претставата, не само оние на Бродвеј. Мислев дека би било убаво и другите да можат да ја гледаат дома бесплатно“, рече тој.

Тој беше номиниран за најдобар глумец во драма за неговата улога, заедно со Кол Ескола, Џон Мајкл Хил, Хари Леникс, Даниел Деј Ким и Луис Мекартни. Сепак, Кол Ескола на крајот ја освои наградата.

ВИДЕО | Џорџ Клуни едвај чека да си ја врати седата коса: „Ужасно е! Ова изгледа лошо“

ФОТО | „Како италијански мафијаш!“: Џорџ Клуни го смени имиџот и изгледа непрепозатливо!