Американскиот актер Џорџ Клуни (63) и неговата убава сопруга, познатата адвокатка за човекови права Амал (46) моментално одмараат во луксузниот хотел Вила Д’Есте во Тиволи, во близина на Рим, а најновите романтични фотографии се вистински доказ за голема љубов.

Холивудската ѕвезда Џорџ Клуни и неговата 17 години помлада сопруга, либанско-британската адвокатка Амал Клуни, уживаат во шармот на езерото Комо во Италија, а парот престојува во еден од најлуксузните хотели во светот – Вила Д’Есте во Тиволи.

Тие се фотографирани на вечера со пријателите во хотелот, а фотографиите се полни со љубов и романса.

Имено, фотографите уловија романтичен момент на бакнеж на масата. Овој симпатичен пар седеше со пријателите, а забележливо е дека сѐ уште изгледаат свежо заљубени како првиот ден.

Џорџ во еден момент нежно ја прегрна Амал и ја бакна во чело. И двајцата беа облечени во црно, Амал носеше црн фустан со прерамки, а актерот црна маичка во комбинација со сиви панталони.

Инаку, Вила Д’Есте во Тиволи, каде престојува славната двојка, е еден од најлуксузните хотели во светот, кој се наоѓа на езерото Комо и е познат и како Вила дел Гарово. Од 16 век, кога е изградена како летна резиденција на кардиналот Комо, претрпе значителни промени, но фрагменти од оригиналната архитектура се зачувани.