Седумдесет и едно годишниот актер Џон Траволта со емотивна порака и ретка фотографија објавена на својот Инстаграм го честиташе роденденот на својот покоен син Џет. Тој ги сподели најинтимните чувства со своите 15 милиони следбеници.

Џет Траволта, најстарото дете на Џон Траволта и неговата покојна сопруга Кели Престон, трагично почина во 2009 година за време на семеен одмор на Бахамите. Неговиот син, кој тогаш имал само 16 години, боледувал од аутизам, астма и синдром Кавасаки. Според извештаите, тој доживеал напад и ја удрил главата во кадата во хотелот каде што престојувале.

 

View this post on Instagram

 

A post shared by John Travolta (@johntravolta)

Во едно интервју во 2014 година, двократниот оскаровец призна дека губењето на неговиот син е „најлошото нешто што му се случило во животот“ и дека не знае дали некогаш ќе закрепне од загубата.

„Животот повеќе не ме интересираше“, откри тогаш Траволта, додавајќи дека утеха нашол во Скиентологијата.

Кели Престон, сопругата на Траволта и мајка на Џет, верувала дека средствата за чистење во домаќинството, вештачките ѓубрива и пестицидите предизвикале аутизам кај нејзиниот син, поради што се залагала за подобро означување на хемикалиите. За жал, таа и самата трагично починала во 2020 година на 57-годишна возраст, по двегодишна битка со ракот на дојката, која ја водеше во најголема тајност.

Покрај Џет, Траволта и Престон имаа уште две деца за време на нивниот 29-годишен брак – ќерката Ела Блу (25) и синот Бенџамин (14).