Американската пејачка, текстописец и актеркa Џоџо Сива е ѕвезда на новото издание „Lady Gunn“, а насловната страна со неа предизвика многу негативни коментари на платформите Икс и Инстаграм.

„Како млада, научив дека во очите на јавноста секое внимание е внимание… без разлика дали е добро внимание или само внимание. Само што потпишав нов договор, новите соработници се одлични, неверојатни луѓе. Рекоа – во ред, мораме да ги натераме луѓето да те забележат и да почнат да те сакаат, a јас реков дека тоа не е поентата“, изјави пејачката Џоџо (33).

Jojo Siwa for LadyGunn Magazine. pic.twitter.com/Xy9U8dlKrl

— Pop Base (@PopBase) September 23, 2024

Насловната страница привлече внимание и тоа негативно. А дали публиката уште повеќе ќе ја сака по оваа фотографија, судејќи по коментарите, моменталната ситуација не ветува.

Пејачката на спорната фотосесија носи костим кој ја имитира анатомијата на машкото тело.

Долниот дел од костимот имитира изглед на машки полов орган, што предизвика многу негативни коментари: „Не ми се допаѓа оваа слика“, „Не знам кој ја води нејзината кариера, но ова ќе ја уништи“ , „Џоџо прекини го ова. Се плашам“, „Има уште време да се избрише ова“.

Од друга страна, некои велат дека реакциите би биле сосема поинакви доколку Лејди Гага се претстави во ова издание, има и такви кои велат дека треба да се цени слободата на облекување која не ги зема предвид половите разлики.