Откако поднесе барање за развод, фановите го чекаа моментот кога Џенифер Лопез ќе ја искоментира љубовната врска со Бен Афлек, а пејачката сега го стори тоа објавувајќи серија фотографии на Инстаграм со кои му испрати јасна порака на поранешниот сопруг.

Таа меѓу другото објави селфи на кое позира пред огледало во бел костим за капење, но и серија фотографии на кои покажа како се забавува со своите деца, близнаците Ема и Макс и дека продолжува понатаму.

Во една од нив Лопез носи маица на која пишува „Таа цвета. Таа е безгрижна. Таа е невознемирена. Таа е мирна“, а сподели и објава во која напиша дека „сè се случува на божествен начин“.

Да потсетиме, набргу по објавувањето на веста за разводот, папараците снимија непозната жена како пристигнува со автомобил пред изнајмениот дом на актерот, но сѐ уште не се знае која е таа. Имаше и гласини дека Афлек е во врска со ќерката на Роберт Кенеди Џуниор, но неговата портпаролка ги демантираше тие гласини.