Џаред Лето на Инстаграм се пофали дека ја пронашол статуетката Оскар, која мистериозно исчезнала за време на преселбата. Во 2014 година, 52-годишниот актер и музичар доби Оскар за најдобра споредна машка улога во филмот „Dallas Buyers Club“.

 

View this post on Instagram

 

A post shared by JARED LETO (@jaredleto)

Меѓутоа, во интервју со Џејмс Корден во 2021 година, тој откри дека ја изгубил статуата во селидба три години претходно. Тогаш тој откри дека неговиот персонал првично се обидел да го сокрие фактот дека статуетката исчезнала.

„Мислам дека никој не сакаше да ми каже. Се селев од куќата во Лос Анџелес, а кога се преселивме, статуетката некако магично исчезна“, откри тогаш тој и додаде: „Сите ја бараа, на сите места… Се надевам дека е во добри раце каде и да е, одамна не сме ја виделе“.

На прашањето на Корден дали некој можеби ја украл статуетката, Лето одговори: „Мислам дека е можно… Тоа не е нешто што некој само го фрла во ѓубре. Се надевам дека некој се грижи за неа. Се сеќавам на ноќта кога ја добив, ја дадов на толку многу луѓе… Оскарот беше претепан и изгребан, но луѓето се забавуваа фотографирајќи се со него, убаво е да се сподели, па се надевам дека некој добро се грижи за него“.

Лето неодамна објави неколку слики на кои ја држи статуетката на Инстаграм, а на објавата напиша: „Го најдов мојот Оскар“.

Инаку, Лето во мометот е на турнеја со својот бенд „30 Seconds To Mars“ со кој до крајот на оваа година ќе настапува во Дубаи и Саудиска Арабија.